«O‘zbekneftgaz» 3 dona kompyuter qurilmasini 232 mln so‘mga sotib oldi

«O‘zbekneftgaz» AJ 3 dona kompyuter platasini qariyb 232 mln so‘mga sotib olgan. Bu haqda Davlat xaridlari portalida keltirib o‘tilgan.

Qayd etilishicha, lotning boshlang‘ich bahosi 246,9 mln so‘mni tashkil etgan. Tanlovda 3 ta taklif bildirilgan va yakunda yakka tartibdagi tadbirkor Sadikov Laziz O‘ktamovich bilan 232,1 mln so‘mlik kontrakt tuzilgan.

Shartnomada kompyuter qurilmalari xorijda ishlab chiqarilgani aytilgan va ularning narxi quyidagicha:

·       70,8 mln so‘m;

·       93,4 mln so‘m;

·       67,8 mln so‘m.

Avvalroq, Korrupsiyaga qarshi kurashish agentligi tomonidan davlat xaridlari bo‘yicha 19 ta holatda jami 8,1 mlrd so‘mlik qonunbuzilish holatlari aniqlangani xabar qilingandi.