Ishlab chiqarish sexi 1 mlrd so‘mlik gazdan noqonuniy foydalangani aniqlandi

Qarshi shahrida yashirincha tarmoqqa ulangan ishlab chiqarish sexi 1 mlrd so‘mlikdan ziyod tabiiy gazdan noqonuniy foydalangani aniqlandi.

Foto: O‘zenergoinspeksiya

“O‘zenergoinspeksiya” xabariga ko‘ra, Qarshi shahrida fuqaro M.F. fermer xo‘jaligiga qarashli binoda faoliyat yuritayotgan omixta yem ishlab chiqarish sexi hujjatlarsiz, to‘g‘ridan to‘g‘ri gaz tarmog‘iga ulanib, undan noqonuniy foydalangani aniqlandi.

Ushbu qoidabuzarlik holati bo‘yicha dalolatnoma rasmiylashtirildi. Dastlabki hisob-kitoblarga ko‘ra, davlat manfaatlariga 1 mlrd 65 mln so‘m zarar yetkazilgani ma’lum bo‘lgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

#gaz #sex