Qoʻshimcha funksionallar
-
Tungi ko‘rinish
"Sho‘rtan-Sirdaryo" magistral gaz quvurining nuqsonli qismlari almashtirilmoqda
426 kilometr masofaga cho‘zilgan bu tarmoqdan 1980 yildan buyon foydalanib kelinadi. Samarqand magistral gaz quvurlari boshqarmasi tomonidan bu yilgi kuz-qishga tayyorgarlik ishlari doirasida "Sho‘rtan-Sirdaryo" magistral tarmog‘ida quvur ichki diagnostikasi o‘tkazilgan bo‘lib, uning xulosalarida nuqsonli joylar borligi aniqlangan edi. Shu kunlarda olib borilayotgan ta’mirlash ishlari jarayonida quvurning nuqsonli qismlari yangisiga almashtirilmoqda.
Qurilish maydoniga 50 nafardan ortiq ishchi xodim va 20 dan ortiq maxsus texnika vositalari jalb qilingan. Samarqandlik magistralchilarga Zirabuloq, G‘allaorol va muboraklik hamkasblari yordamga kelishgan. Chunki soatiga 1 mln metr kub tabiiy gaz o‘tkazish quvvatiga ega bu yirik inshootda davom etayotgan tadbirni qisqa muddatlarda va sifatli bajarish chog‘ida qo‘shimcha kuchlarning ziyoni bo‘lmaydi.
"Sho‘rtan-Sirdaryo" magistral gaz quvuri juda ahamiyatli va muhim tarmoqlardan biri hisoblanadi. Quvurdan respublikamizdagi yirik muhandislik inshootlari bo‘lgan "Sirdaryo" va "ACWA POWER SIRDARYA" issiqlik elektr stansiyalari hamda Toshkent viloyatining Bekobod tumanidagi 53 543 ta aholi xonadoni va 1595 ta ulgurji iste’molchilar tabiiy gaz bilan ta’minlanadi.
Bugun quvurning Qashqadaryo viloyati hududidan o‘tuvchi 15-kilometrida olib borilayotgan ta’mirlash ishlari, yirik tarmoqning ishonchliligini oshirib, tabiiy gaz o‘tkazish samaradorligiga hissa qo‘shadi.
Reklama huquqi asosida
Mavzuga oid
22:37 / 26.09.2024
Surxondaryoda YTH sodir etgan Lacetti gaz quvuriga urildi. Qariyb 2 mingta xonadon gazsiz qoldi
21:09 / 19.09.2024
AQShdagi kimyo zavodida yuz bergan yong‘inni to‘rt kundan beri o‘chirib bo‘lmayapti
22:34 / 21.08.2024
Qashqadaryoda gaz quvuridagi yong‘in oqibatlari bartaraf etildi
19:06 / 02.02.2024