SOUEAST brendi shahar hayotida yangi trendni yaratmoqda

Ushbu tadbir Soueastʼning Ease konsepsiyasi qadriyatlariga mos bo‘lib, zamonaviy shahar aholisiga qulay turmush tarzini taqdim etish hamda yangi trendni joriy qilishni aks ettiradi

Yoshlarga qaratilgan strategiya: shahar hayotidagi qulaylik

Tadbirning asosiy mavzusi shahar aholisining yosh avlodiga qaratilgan Ease your life (“Hayotingizga yengillik kiriting”) konsepsiyasi bo‘ldi. Taqdimotda uslub, qulaylik va ilg‘or texnologiyalarni o‘zida mujassam etgan ikkita yangi model S09 va S07 rasman taqdim etildi.

Soueast brendining rangi - “olovrang” - iliq munosabat ramzi bo‘lib, megapolisning gavjum hayotiga qulaylik tuyg‘usini olib keladi hamda foydalanuvchilarga qulay va osoyishta turmush tarzini taklif qiladi.

Soueast Motor vitse-prezidenti janob Ke Chuandeng shunday dedi:

“Savdo kanallarini har tomonlama rivojlantirish orqali Soueast 2029 yilgacha butun dunyo bo‘ylab 80 dan ortiq bozor va 1500 ta dilerlik tarmoqlarini qamrab olishni rejalashtirmoqda. 2030 yilga borib 10 ta yig‘ish zavodi va 3 ta ishlab chiqarish markazi quriladi, bu esa butun dunyo bo‘ylab mijozlar ehtiyojini to‘liq qondirish imkonini beradi”.

O‘zbekiston bozoridagi o‘rinlarni mustahkamlash: hamkorlik va rivojlanish

Xitoy va O‘zbekiston o‘rtasidagi faol ikki tomonlama hamkorlik ulkan bozor imkoniyatlarini ochib beradi. O‘zbekiston Soueast o‘zining global strategiyasini ishga tushirgan birinchi davlat bo‘ldi, bu qadimiy Ipak yo‘li bo‘ylab tarixiy hamkorlikni davom ettirish va “Bir kamar, bir yo‘l” tashabbusini qo‘llab-quvvatlash ramzidir.

Joriy yilning may oyida Soueast O‘zbekistonda o‘zining birinchi xorijiy filialini ochdi va bu mahalliylashtirish va mahalliy iste’molchilarning ehtiyojlarini chuqurroq anglash yo‘lidagi muhim qadam bo‘ldi.

Soueast Motor Uzbekistan bosh direktori Jon Li shunday dedi:

“Biz butun mamlakatni qamrab oluvchi dilerlik tarmog‘ini yaratish niyatidamiz. 2026 yilgacha O‘zbekistonda raqobatbardoshlik va sotishning qulayligini ta’minlash maqsadida 40 ta dilerlik markazlarini ochish rejalashtirilgan. Soueast, shuningdek, sotuvdan keyingi ko‘plab qo‘llab-quvvatlash dasturlarini ishlab chiqdi, jumladan, 5 yil/200 000 km kafolat, bu bozor o‘rtacha ko‘rsatkichidan sezilarli darajada ko‘pdir. Bularning barchasi o‘zbekistonlik xaridorlarga ishonch va barqarorlikni ta’minlashdir”.

Jahon premerasi: shahar hashamati va intellektining namoyon bo‘lishi

Taqdimot doirasida flagman D-klass SUV S09 va shaharga moslashgan intellektual S-klass SUV S07 modellari namoyish etildi.

S09 biznes mijozlari hamda shahar bo‘ylab va tabiat qo‘ynida sayohat qilishda qulaylikni qadrlaydigan oilalarga mo‘ljallangan. Model zamonaviy dizayni, keng intereri va mukammal boshqaruviga ega. Taqdimotda, shuningdek, buyurtma berish imkoniyati ochilgan S09 PHEV modeli ham namoyish etildi.

S07 o‘z navbatida yoshlar uchun mo‘ljallangan bo‘lib, qulay kundalik va shahar tashqarisiga sayohatlari uchun zamonaviy dizayn va aqlli texnologiyalarni taklif etadi.

Soueast Motor ijrochi vitse-prezidenti janob Dai Lihong shunday dedi:

“S09 va S07 modellari turli foydalanuvchilar guruhlari ehtiyojlarini qondirish uchun chuqur bozor tadqiqotlari asosida yaratilgan. Ushbu modellarning bir vaqtning o‘zida ishga tushirilishi bizning mijozlarga e’tibor qaratishga sodiqligimizni ta’kidlaydi. Biz kelgusida ham mijozlarimizni turli xil yangi mahsulotlar bilan xursand qilishda davom etamiz”.

Ease ekotizimini yaratish: O‘zbekistonda yangi shahar madaniyati

Soueast nafaqat sifatli avtomobillar bilan ta’minlashga intiladi, balki o‘z foydalanuvchilari uchun Ease ekotizimini faol ravishda barpo qiladi. Tadbirda taniqli xonanda Rayhon G‘aniyeva Soueast brendining elchisi bo‘lgani rasman e’lon qilindi

Soueast brendining global taqdimoti kompaniya uchun nafaqat O‘zbekiston bozoridagi yangi bosqichning boshlanishi, balki kelajakdagi transport turlarini o‘rganishda muhim qadam bo‘ldi. Avtomobil bozoridagi global raqobat sharoitida Soueast ilg‘or texnologiyalarni yanada rivojlantirish va mijozlar ehtiyojlariga yo‘naltirilgan mahsulotlarni yaratish, O‘zbekiston aholisiga qulay shahar hayoti uchun turli va zamonaviy yechimlarni taqdim etishga intiladi.

Instagram – www.instagram.com/soueast_uzbekistan/

Facebook - www.facebook.com/profile.php?id=61554249394223

Telegram - https://t.me/soueast_rasmiy

Reklama huquqi asosida