Mixael Shumaxerning so‘nggi Ferrari avtomobili kimoshdi savdosiga qo‘yildi

Nyu-Yorkda afsonaviy nemis poygachisi Mixael Shumaxerning "Formula-1" mashinasi sotuvga qo‘yildi. RM Sotheby's auksion uyidagi yangi lot Ferrari 248 F1 bo‘lib, uni Shumaxer 2006 yilgi mavsumda boshqargan. Savdolar 14 noyabr, payshanba kuni boshlanadi.

Beshta g‘alaba va poullar soni bo‘yicha rekord

2006 yil "Formula-1" bo‘yicha yetti karra chempion uchun Italiya jamoasidagi so‘nggi mavsum bo‘ldi, unda u 11 yil o‘tkazgandi. Shassi raqami 254 bo‘lgan mashina nemis poygachisini besh marta shohsupaning eng yuqori pog‘onasiga olib chiqdi. Aynan o‘sha yerda Shumaxer poullar soni bo‘yicha o‘zining kumiri Ayrton Senna ko‘rsatkichidan o‘tib, yangi rekord o‘rnatdi.

Mavsumda faqat ikkita muvaffaqiyatsizlik kuzatildi, ammo nemis poygachisiga to‘rtta poul-pozitsiyani va yettita g‘alabani keltirdi. Qizg‘in kurash oxirgi poygagacha davom etdi. Biroq, Mixael Shumaxer chempionatni yakkalik bahslarida ikkinchi o‘rinda yakunladi va chempionlikni ispaniyalik Fernando Alonsoga boy berdi.

Ferrari uchun katta summa

Auksion 19 noyabrgacha davom etadi. Mashinaning hozirgi egasi uni 2007 yilning dekabr oyida to‘g‘ridan to‘g‘ri Ferrariʼdan sotib olgan va mashhur haydovchining mashinasining keyingi egasi, ehtimol, unga katta pul to‘lashi kerak bo‘ladi: 2022 yilning noyabrida Shumaxerning 2003 yildagi mashinasi 14,69 million Shveytsariya frankiga (14,85 million yevro) sotilgan.