Qoʻshimcha funksionallar
-
Tungi ko‘rinish
Uzbekistan Airways talabalar uchun chiptalarga chegirma e’lon qildi
O‘rta maxsus, kasb-hunar va oliy ta’lim muassasalari talabalari barcha mahalliy aviaqatnovlar ekonom-klass aviachiptalari tariflari uchun 50 foizgacha chegirmadan foydalanishi mumkin.
Foto: Kun.uz
Uzbekistan Airways qishki ta’til oldidan talabalar uchun chegirma e’lon qildi. Bu haqda kompaniya axborot xizmati xabar berdi.
«Uzbekistan Airways o‘rta maxsus, kasb-hunar va oliy ta’lim muassasalari talabalari uchun barcha mahalliy aviaqatnovlar ekonom-klass aviachiptalari tariflariga 50 foizgacha chegirma e’lon qildi», deyiladi xabarda.
Chegirma 2024 yil 23 dekabrdan boshlab 2025 yil 7 yanvariga qadar amalga oshiriladigan aviaqatnovlar uchun amal qiladi.
Aviachiptalarni kompaniya saytidan, aviakompaniya agentlaridan hamda Uzbekistan Airways Sales filialidan xarid qilish mumkin. Buning uchun davlat muassasasida o‘qishni tasdiqlovchi hujjat talab qilinadi.
Oliy ta’lim, fan va innovatsiyalar vazirligining tegishli buyrug‘i bilan oliy ta’lim tashkilotlari talabalari, texnikum, kollej, kasb-hunar maktabi va akademik litseylar o‘quvchilariga 2024/25-o‘quv yili uchun beriladigan qishki ta’til 2024 yilning 25 dekabridan boshlanadi va 2025 yilning 7 yanvariga qadar (shu kuni ham) davom etadi.
Mavzuga oid
10:25 / 12.12.2024
Maktablarda qishki ta’til 29 dekabrdan boshlanadi
20:19 / 10.12.2024
«O‘zbekiston temiryo‘llari» ham talabalar uchun poyezd chiptalariga 50 foizlik chegirma e’lon qildi
23:39 / 30.11.2024
Uzbekistan Airways to‘qqiz oyda 477,1 mlrd so‘m sof foyda ko‘rdi
21:14 / 29.11.2024