Германия ғарбида қуролланган эркак қаҳвахонани қўлга олди

Фото: AFP

Германия ғарбида жойлашган Саарбрюккен шаҳри марказида қуролланган эркак қаҳвахоналардан бирига кириб олди ва у ерни қўлга олди. Бу ҳақда маҳаллий ОАВ хабар бермоқда.

Шаҳар полицияси расмий вакилининг РИА “Новости”га айтишича, эркакнинг шахси аниқланган. У саарбрюккенлик бўлиб, ёши 43 да. Унинг айтишича, қаҳвахонада ундан бошқа ҳеч ким йўқ”.

Агентлик суҳбатдошининг айтишича, эркак алоқага чиқмаган. Воқеа жойида психолог ва суҳбатдошлар гуруҳи иш олиб бормоқда. У, шунингдек, “бир гувоҳнинг сўзларига кўра, эркак қип-қизил қонга бўялган, аммо бу ҳали аниқлаштирилмаган"ини маълум қилган.

Bild am Sonntag нашрининг маълумотига кўра, махсус қўшин яқин вақт ичида ҳужумга ўтишни режалаштирмоқда. Саарбрюккен маркази беркитилган.

“Рейтер” агентлигининг полицияга асосланиб хабар беришича, ҳеч нарса воқеанинг терроризм билан алоқаси борлигини кўрсатмаяпти.

Аниқлаштирилишича, эркак қаҳвахона эгасининг куёви ҳисобланади ва у айни дамда асаби қаттиқ бузилган ҳолатда.

#Германия #қурол #қаҳвахона