Сайловда Клинтонга Трампга қараганда 2,9 миллион кўпроқ киши овоз берганди

Расмий маълумотларга кўра, Ҳиллари Клинтон халқ овоз беришларида Дональд Трампдан 2,9 млн кўпроқ овоз олган. Унга 65 млн 844 минг 965 нафар сайловчи овоз берган (48,2 фоиз), Трампда бу кўрсаткич — 62 млн 979 минг 879 сайловчини ташкил этган (46,1 фоиз).

АҚШдаги сайловнинг якуний натижалари шуни кўрсатдики, У Ҳиллари Клинтон мамлакат тарихида шу вақтгача сайловларда мағлуб бўлган номзодлар орасида энг кўп қўллаб-қувватлашга эришган ҳолда ютқазган номзод бўлди. 

Берилган овозлар ҳажмига кўра, Клинтон 2012 йилги сайловда ғалаба қилган Барак Обамадан ҳам яхшироқ натижа кўрсатган: фарқ 390 минг овоз.

Эслатиб ўтамиз, олдинроқ сайлашга вакил қилинганлар Трампни АҚШ президенти лавозимига сайлагани ҳақида хабар берилганди. У Сайловчилар ҳайъатининг 304 овозига эга бўлган. Қонун бўйича 270та овозни тўплаган номзод давлат раҳбарлигига сайланади. Трампнинг сайловдаги асосий рақиби демократ Ҳиллари Клинтон 224 овоз олган.