АҚШда беморга янги юз кўчириб ўтказилди

АҚШнинг Майо клиникаси жарроҳлари ноёб ва мураккаб жарроҳлик операциясига қўл уришди: улар юз кўчириб ўтказиш операциясини амалга оширишди. Бундай операциялар бутун тиббиёт тарихида 40 мартадан камроқ марта бажарилган. Жарроҳлар ўз жонига қасд қилишга уринишдан кейин тирик қолган йигитга янги юз кўчириб ўтказишди. Бу ҳақда Business Insider портали хабар бермоқда. 

2006 йилда 21 ёшли Энди Санднесс ўз жонига қасд қилмоқчи бўлган. Юзнинг энгак қисмига отилган ўқ юзнинг асосий қисмини йўқ қилган, бироқ Энди омон қолган. Шифокорлар қўлларидан келган барча ишни қилганлар, бироқ йигитнинг бурни, жағи ва тишларини тиклашга муваффақ бўла олмаганлар. 2012 йилда шифокорларга Эндига бошқа бир одамнинг юз қисмини ўтказиш ғояси қелган. Жарроҳлар бу операцияга бир неча йил тайёгарлик кўришган. Эндига 21 ёшида ўзига ўқ узган бошқа бир йигит донорлик қилган. Юзни кўчириб ўтказиш операцияси 56 соат давомида олиб борилган ва унда 60 киши иштирок этган.

Шифокорлар Санднессга ўз юзига операциядан кейин уч ҳафта давомида кўзгуда қарашга рухсат беришмаган. Йигит ўзининг янги қиёфасини кўрганда эса ҳайратдан ёқа ушлаган. "Сен ўзингда бўлган бирор нарсани йўқотсанггина унинг қадрига етасан. Агар бирдан уни қайтаришга имконият олсанг, унда буни ҳеч қачон унутмайсан", деб айтган янги юз соҳиби.