Россиялик боксчи Мурат Гассиев иккита чемпионлик унвонини қўлга киритди

Россиялик боксчи Мурат Гассиев Бутунжаҳон бокс суперсериясининг (WBSS) яримфиналида кубалик Юниер Дортикосни мағлуб этди.

Сочида ўтган жанг Гассиевнинг 12-раундда рақибини нокаутга учратиши билан якунланди. Дортикос охирги 3 дақиқаликда икки марта нокдаун ҳолатига тушган, шундан кейин россиялик ўз рақибига имконият қолдирмаган.

Бу ғалаба 24 ёшли Гассиев учун фаолиятидаги 26-ғалаба бўлди, боксчи ҳали бирор марта мағлубиятга учрамаган. Бунгача ютқазмаган 31 ёшли Дортикос 22 та ғалабадан кейин биринчи марта мағлубият аламини тортди.

Гассиев шу ғалабаси эвазига WBA ва IBF версиялари бўйича чемпионлик унвонларини ўзида бирлаштирди. Боксчи WBSS финалида украиналик Александр Усик билан учрашади. Усик 2-яримфиналда латвиялик Майрис Бриедисни мағлубиятга учрата олди. Финал жанги 11 май куни Саудия Арабистонида бўлиб ўтади.