Қўшимча функционаллар
-
Тунги кўриниш
Мозамбикда 17 киши чиқиндилар остида қолиб кетди
Фото: BT.com
19 февралда Мозамбик пойтахти Мапутуда кучли ёмғирлар сабабли чиқиндилар тепалиги одамларни босиб қолди. Оқибатда чиқиндилар остида қолиб кетган 17 киши ҳалок бўлди. Шунингдек, бир нечта уй вайрон бўлган, минглаб одамлар ўз уйларини тарк этганлар.
Ҳукумат қурбонлар кўпроқ бўлиши мумкинлигини тахмин қилмоқда, қидирув ишлари олиб борилмоқда. Маҳаллий ОАВ воқеа юз берган жойдаги чиқиндилар тепалигининг баландлиги 3 қаватли бинодек келганини маълум қилган.
“Чиқиндилар уюмлари уйларни босиб қолган, кўпчилик оилалар бу вақтда уйлари ичида бўлганлар”, деб маълум қилган мамлакатнинг фавқулодда вазиятлар вазири Фатима Белшуир.
Ушбу чиқиндихона Мапутудаги энг катта объект ҳисобланиб, одамлар бу ерда чиқиндиларни титиб, егулик ва сотиш учун нарсалар қидирганлар.
Таъкидланишича, тиббий ходимлар анчадан бери чиқиндихонадан чиқадиган буғлар, пашшалар ва бошқа хавфлардан хавотир билдириб келишган.
Мавзуга оид
14:36
Мозамбикда циклон 100 га яқин кишини ҳаётдан олиб кетди
15:01 / 02.09.2024
“Ҳеч қандай ёнғин ҳолати содир бўлмаган” – Янгийўлдаги чиқиндихона бўйича расмий маълумот берилди
15:15 / 16.07.2024
Тошкент вилоятида ноқонуний чиқиндихона ташкил этган шахс қарийб 4 йилга қамалди
09:48 / 03.03.2024