Эронда қўзиқориндан 9 киши ҳалок бўлди, 700 дан кўпроқ одам заҳарланди

Эрон ғарбида қўзиқориндан 720 дан кўпроқ одам заҳарланди, 9 киши ҳалок бўлди. Бу ҳақда Эрон фавқулодда хизмати вакили Мужтаб Холидийга иқтибос келтирган ҳолда ISNA ахборот агентлиги маълум қилди. 

Холидийнинг айтишича, Кирманшох, Курдистон, Луристон, Занжон, Ғарбий Озарбойжон ва Казвин вилоятларида 721 киши заҳарли қўзиқориндан заҳарланган. 50 га яқин киши ўта оғир аҳволда бўлиб, улардан бир нечасига зудлик билан буйрак кўчириб ўтказилиши талаб қилинмоқда.

Ясужа тиббий фанлар университетининг маълум қилишича, заҳарли қўзиқоринларнинг ташқи кўриниши ва таъми еса бўладиганларидан фарқ қилмайди. Қўзиқориннинг заҳарли эканини лаборатория тажрибалари ўтказиш орқалигина аниқлаш мумкин.