«Барселона» қийин ғалабага эришди

Испания чемпионатининг 4-турида «Барселона» «Реал Сосьедад» меҳмони бўлди.

Майдон эгалари ўйиннинг 12-дақиқасидаёқ Элустондонинг зарбаси эвазига ҳисобни очишди.

Каталонияликлар фақат иккинчи бўлимга келибгина вазиятни ўз томонларига оғдиришга муваффақ бўлишди. 63- ва 66-дақиқаларда Суарес ҳамда Дембеле биттадан гол уриб, ғалабани таъминлашди.

Бу ғалабадан кейин «Барселона» 100 фоизлик натижа кўрсатган ҳолда Испания примераси турнир жадвалида 12 очко билан пешқадамлик қилмоқда. «Реал Сосьедад» эса 4 ўйинда 1 ғалаба ва 1 дуранг эвазига 4 очко тўплаб, турнир жадвалида 15-ўринда жойлашган.

Испания чемпионати
4-тур
Реал Сосьедад – Барселона 1:2 (1:0, 0:2)
Голлар: 1:0 – 12 Элустондо, 1:1 – 63 Суарес, 1:2 – 66 Дембеле.
Реал Сосьедад – Рульи, Элустондо, Тео, Сальдуа, Морено, Пардо (Сангальи, 82), Ильярраменди (Мерино, 82), Хуанми, Сурутуса (Баутиста, 73), Ойарсабаль, Субельдия.
Барселона – тер Стеген, Умтити, Пике, Альба, Серджи Роберто, Рафинья (Бускетс, 57), Ракитич, Дембеле (Видаль, 77), Нелсон Семеду (Коутиньо, 46), Месси, Суарес.
Огоҳлантиришлар: Ильярраменди (43), Умтити (87).