«100 миллион». Нурмагомедов Макгрегор билан реваншга қандай шартда рози бўлиши маълум қилинди

Мутлақ жангчилар чемпионати (UFC) чемпиони Ҳабиб Нурмагомедовнинг менежери Али Абдулазиз аралаш йўналишлар (ММА) бўйича жангчи Конор Макгрегорга мурожаат билан чиқди. Бу ирландиялик жангчи баҳсдаги ўз хатоларини маълум қилганидан сўнг юз берди.

Доғистонлик жангчининг менежери инстаграмдаги ўз саҳифасида Макгрегорга мурожаат қилган.

«Чемпион Ҳабиб Нурмагомедов кимнидир сўзларига эътибор қаратиш учун жуда банд, у ҳаётдан завқланмоқда. Лекин менинг бу майда шахс ва ўзини оқламоқчи бўлаётган унинг жамоасига жавобим шундай. Қандай қилиб елка билан ётиб, ҳаракат қилиш имконини қўлдан чиқарган тарзда жангда ютиш мумкин? Сен билан кўча жангида ҳаммаси бир сонияда ҳал бўларди. Сени тиз чўктиришди, худди ёш болага ўхшаб кетдинг», - дея маълум қилди мутахассис.

У ирландиялик жангчига жангни ўзи тўхтатганини эслатиб ўтди.

«Яратган Ҳабибнинг юрагига раҳм-шафқат берди ва у сен жангдан бош тортиш бўйича машина эканлигингни кўрсатди. У бўйинни ушлаб олди, лекин бу бўғиш усули эмасди. Сен иккала қўлни ҳам ерга қўйдинг ва таслим бўлиш мақсадида улардан бирини кўтардинг», - дея таъкидлаб ўтди Абдулазиз.

Шунингдек, менежернинг маълум қилишича, фақат 100 миллион доллар эвазига Нурмагомедов Макгрегорнинг жангни такрорлаш бўйича чақириғига жавоб беради.

«Энди сен реваншни хоҳлаяпсан, лекин бизга 100 млн олиб келмасанг, у юз бермайди. Дўкон очиб, бор эътиборни савдога қарат. Боз устига, сенинг барча аҳмоқона гапларингдан кейин», - дея хулоса қилди Абдулазиз.

6 октябр куни UFC 229 мусобақасида Нурмагомедов тўртинчи раундда Макгрегорни мағлубиятга учратди. 

Эслатиб ўтамиз, аввалроқ Макгрегор Нурмагомедов билан жангдаги ўз хатоларини маълум қилганди.