Матбуот ва ахборот агентлиги собиқ раҳбари журнал бош муҳаррири этиб тайинланди

«Ўзбеккино» миллий агентлигининг «Кино санъати» журнали бош муҳаррири лавозимига Лазиз Хушбоқович Тангриев тайинланди. Бу ҳақда «Ўзбеккино» сайтида хабар берилган.

Лазиз Тангриев 1997-2006 йиллари Ўзбекистон Республикаси президенти Девонининг маданият, ижодий ташкилотлар ишлари бўйича хизмати консультанти, 2006-2007 йилларда «Ўзбекистон» нашриёт-матбаа ижодий уйи директорининг нашриёт ишлари бўйича биринчи ўринбосари, 2007-2017 йилларда Ғафур Ғулом номидаги нашриёт-матбаа ижодий уйи директори бўлиб ишлаган.

2017 йил 28 июлдан 2018 йил 27 ноябрга қадар Ўзбекистон Матбуот ва ахборот агентлигининг бош директори лавозимида фаолият юритган.