АҚШ армияси совуқ уруш даври стратегиясига қайтмоқда

Фото: MICHAEL EADDY/U.S. ARMY

АҚШ ҳарбийлари совуқ уруш даврида Америка қўшинлари томонидан қўлланилган Пентагоннинг «Кучларни динамик жойлаштириш» стратегиясига ўтмоқда. Бу ҳақда Қўшма Штатлар Мудофаа вазирлигининг Stars and Stripes расмий газетаси ёзяпти.

Ушбу стратегияга қўшинларни мослаштиришга мисол сифатида, нашр АҚШ армияси пиёда батальонининг Техасдан Польшага тўсатдан юборилганини келтирган. Бу ҳолат шу йилнинг март ойи ўрталарида содир бўлди.

Шунингдек, америкалик генерал-майор Жон Гронскининг газетага айтишича, энди бундай манёврлар «мунтазам равишда» ўтказилади. У эҳтимолий рақиб учун бундай ҳаракатлар «кутилмаган» бўлиб чиқишини таъкидлаб ўтди.

Бундан олдин, АҚШ Хитой ҳужумига жавобан Россияга зарба берилиши мумкинлигини истисно этмаганди.

#АҚШ #совуқ уруш