Трамп Туркияга қарши «қудратли санкциялар» қўллашга тайёрланмоқда

Фото: Reuters

АҚШ президенти Дональд Трамп Сурия шимоли-шарқида «Тинчлик булоғи» деб номланган ҳарбий амалиёт ўтказаётган Туркияга қарши йирик санкциялар қўллашга тайёрланаётганини маълум қилди.

«Мен сенатор Линдси Грэм ва конгресснинг бошқа кўплаб аъзолари билан, жумладан демократлар билан Туркияга қарши кучли санкциялар қўллаш устида иш олиб боряпман. Молия вазирлиги иш бошлашга тайёр, қўшимча қонун талаб қилиниши мумкин. Бизда бу борада келишув бор. Туркия бундай қилмасликни сўраган. Кутинг!», дея ёзган Трамп твиттерида.

9 сентябрь куни Туркия Сурия шимолидаги курдларни жанубга суриб ташлаш учун «Тинчлик булоғи» номини олган ҳарбий амалиёт бошлаганди.

Бундан аввалроқ Пентагон раҳбари Марк Эспер Туркия Миллий мудофаа вазири Хулуси Акар билан телефон орқали мулоқот чоғида мазкур амалиётни тўхтатишни сўраганди.

Туркия президенти Ражаб Тоййиб Эрдўған эса жаҳоннинг кўплаб давлатлари талаб қилаётганига қарамай ушбу амалиёт тўхтатилмаслигини маълум қилган.

#санкция #Дональд Трамп #Тинчлик булоғи

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади