Трамп Туркия ва курдларни ИШИД жангариларининг қочишига йўл қўймасликка чақирди

Фото: AP Photo/Andrew Harnik

АҚШ президенти Дональд Трамп Туркия ва курдларни ИШИДнинг панжара ортида ушлаб турилган жангариларининг қочишига йўл қўймасликка чақирди.

“АҚШ ИШИДнинг энг ашаддий жангариларини ушлаб турибди. Туркия ва курдлар уларнинг қочишига йўл қўймаслиги лозим. Европа уларни қайтариб олиши керак эди. Улар буни ҳозир қилишлари лозим. Улар ҳеч қачон АҚШга келолмайди, уларни бу ерга қўйишмайди”, деб ёзган Трамп твиттерда.

Аввалроқ юзлаб маҳбус жангарилар Анқаранинг ҳарбий амалиёти ортидаги саросимадан фойдаланиб курдлар назоратидаги турмалардан қочгани ҳақидаги хабарлар пайдо бўлди.

Шунингдек, жангарилар оилаларининг 700 га яқин аъзоси вақтинчалик лагерлардан қочган. Гап Айн-Исо, Кобани, Ҳасака ва Қамишли шаҳарларидаги турмалар ва вақтинчалик сақлаш марказлари ҳақида бормоқда.

Таъкидланишича, бу жойларда 11 мингга яқин киши, жумладан 9 минг суриялик ва ироқлик ҳамда 50 та давлатдан 2 мингга яқин жангари ушлаб турилган.

#АҚШ #Туркия #ИШИД

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади