ОАВ: курдлар Рас-ал-Айн шаҳри устидан назоратни яна ўз қўлларига олди

Фото: AP Photo/Emrah Gurel

Курдларнинг "Халқ мудофааси кучлари" (ХМК) отрядлари қарши ҳужум натижасида 12 октябрь куни турк қўшинлари ва уларнинг иттифоқчилари томонидан эгаллаб олинган Рас-ал-Айн шаҳри устидан назоратни тиклади. Бу ҳақда Al-Hadath телеканали хабар берди.

Хабарда айтилишича, шаҳар атрофида курдлар ва турк ҳарбийлари тарафида иштирок этаётган Сурия қуролли мухолифати тузилмалари ўртасида аёвсиз жанглар бўлиб ўтмоқда. ХМК отрядлари ҳозирда қўшни Телл-Халаф шаҳрига ҳужум қилмоқда. Шунингдек, Кобани шаҳрида ҳам тўқнашувлар бўлаётгани ҳақида маълумотлар берилмоқда.

Эслатиб ўтамиз, 9 октябрь куни Туркия қуролли кучлари курд қуролли тузилмаларини сиқиб чиқариш учун Сурия шимоли-шарқида "Тинчлик булоғи" операциясини бошлади.

#Сурия

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади