Қўшимча функционаллар
-
Тунги кўриниш
Mercedes водородда юрувчи футуристик кўринишдаги юк машинасини тақдим этди (видео)
Daimler концерни водород ёниғли элементларида юрувчи Mercedes-Benz GenH2 деб номланган янги юк машинасини тақдим қилди. Ушбу модель компаниянинг водородда юрувчи биринчи юк машинаси ҳисобланади. Автомобил ҳозирча прототип кўринишида бўлиб, компания унинг серияли ишлаб чиқарилишини 2035 йилда йўлга қўйишга ваъда берган.
Фото: Daimler AG
Футуристик кўринишга эга моделнинг оғирлиги 40 тоннани ташкил қилади. У 25 тонна юк кўтара олади. Юк машинаси иккита ёнилғи бакига эга бўлиб, улардан ҳар бири 40 кг суюлтирилган водородни ўз ичига сиғдиради. Бундай ҳажмдаги водород юк машинасининг 1000 км йўл босиб ўтишига етади. Компанияда юк машинасининг водород билан тўлдирилишига оддий юк машинасини дизель ёнилғиси билан тўлдириш каби вақт кетишига ваъда қилинган.
Машина иккита электр двигатель ёрдамида ҳаракатга келтирилади. Уларнинг энг юқори қуввати 449 от кучини, таянч қуввати эса 312 от кучини ташкил қилади. Моторлар 300 кВтли ёнилғи элементлари тизими ва қўшимча 400 кВт бера оладиган аккумулятордан энергия олади.
Немис компанияси, шунингдек, иккита электр юк машинасини тақдим этган. Булар eActros ва eActros LongHaul моделлари бўлиб, улар бир қувватланишда мос равишда 200 км ва 500 км йўл боса олади. eActros 2021 йилдан, eActros LongHaul эса 2024 йилдан ишлаб чиқарилиши кутилмоқда.
Айни вақтда немислардан ташқари, водородда юрувчи юк машиналарини яратиш устида бир неча компания иш олиб бормоқда. Жумладан, октябрь охирида Hyundai компанияси HDC-6 Neptune деб номланган юк машинасини тақдим этиши кутилмоқда. Бундан ташқари, Toyota компанияси ҳам шу йўналишда иш олиб бормоқда.
Мавзуга оид
07:35 / 29.07.2024
Mercedes пойгачиси Белгия Гран-присида ғалаба қозонганидан сўнг дисквалификация қилинди
08:14 / 06.01.2022
Тошкентда тунги дрифт уюштирган «Mercedes» ҳайдовчиси жавобгарликка тортилди
09:34 / 14.02.2021
Mercedes 1,3 миллиондан кўпроқ машинасини қайтариб олмоқда
20:43 / 18.08.2020