Қўшимча функционаллар
-
Тунги кўриниш
Фориш туманида ҳам ҳоким ўзгарди
Жиззах вилояти Фориш тумани ҳокими Абдували Мустанов бошқа ишга ўтиши муносабати билан лавозимидан озод этилди.
19 январ куни Жиззах вилояти Халқ депутатлари Фориш туман кенгашининг навбатдан ташқари сессияси бўлиб ўтиб, унда президент маслаҳатчисининг биринчи ўринбосари Қаҳрамон Қуронбоев ва вилоят ҳокими Эргаш Солиев иштирок этди.
Вилоят ҳокимлиги матбуот хизмати хабар қилишича, сессияда вилоят ҳокими сўзга чиқиб, Фориш туман ҳокими лавозимида ишлаб келаётган Абдували Мустанов бошқа лавозимга ўтгани муносабати билан туман ҳокими лавозимига Икром Синдорович Матиев номзодини тавсия этган. Ушбу таклиф депутатлар томонидан маъқулланган.
Икром Матиев шу вақтгача вилоятнинг Янгиобод туманига раҳбарлик қилиб келаётганди.
Маълумот учун, Абдували Мустанов муқаддам Жиззах вилоят давлат солиқ бошқармаси бошлиғи сифатида ишлаган, 2018 йилдан буён Фориш туманига раҳбарлик қилиб келаётганди. У қайси ишга ўтгани ҳақида маълумот йўқ.
Шу тариқа, кун давомида Жиззах вилоятининг уч туманида раҳбар ўзгарди. Бунгача Мирзачўл туманига Шерзод Аҳмедов, Зафаробод туманига Нодирбек Ражапов ҳоким бўлгани хабар қилинганди.
Мавзуга оид
12:40 / 19.12.2024
Жиззах вилоятига янги ҳоким тайинланди
17:52 / 11.12.2024
Тимур Ишметов Марказий Банк раиси этиб тайинланди
16:06 / 11.12.2024
Форишда 64 ёшли эркак ўқитувчи вояга етмаган ўқувчи қизга шилқимлик қилди
15:57 / 10.12.2024