Қўшимча функционаллар
-
Тунги кўриниш
Йозеф Блаттер футбол билан боғлиқ ҳар қандай фаолиятдан четлаштирилди
Дисквалификация муддати 6 йил 8 ойни ташкил этади. Блаттер билан бирга ташкилотнинг собиқ бош котиби Жером Валке ҳам футболдан четлаштирилди.
Фото:epa/vostock-photo
Ахлоқ бўйича мустақил қўмита судлов палатаси Халқаро футбол ассоциациялари федерацияси (ФИФА) собиқ президенти Йозеф Блаттер ва ташкилотнинг собиқ бош котиби Жером Валкени ФИФА ахлоқ кодексини бузишда айбдор деб топди. Бу ҳақда ФИФА расмий сайтида хабар қилинди.
Улар футбол билан боғлиқ ҳар қандай фаолиятдан 6 йил 8 ой муддатга четлаштирилди.
ФИФА аввалроқ Блаттерга нисбатан жиноят иши қўзғатишни сўраб, Цюрих кантони прокуратурасига ариза берганди.
Блаттер ва бошқа қатор шахслар 2016 йилда Цюрихда очилган Жаҳон футболи музейи қурилишида маблағлар асоссиз сарфланишига олиб келган шартномаларни тузишга алоқадорликда гумон қилинган.
Ўтган йил ноябрда Швейцария федерал прокуратураси Йозеф Блаттер ва УЕФА собиқ раҳбари Мишел Платинига нисбатан тергов ишини кенгайтирганди.
Прокуратуранинг маълумот беришича, уларга нисбатан "товламачиликда гумон қилиниш" бўйича ҳам суриштирув олиб борилмоқда. Шу сабабли терговчилар 1998–2015 йилларда ФИФАни бошқарган Блаттернинг 2011 йилда ташкилот ҳисобидан Платини ҳисобига 2 млн швейцар франки (1,8 млн евро) ўтказганлиги ҳолатини ўрганмоқда.
Мавзуга оид
14:44 / 17.12.2024
ФИФА Украина харитасини Қримсиз кўрсатганидан «афсусда»
20:53 / 11.12.2024
ФИФА 2030 ва 2034 йилги Жаҳон чемпионати мезбонларини эълон қилди
15:16 / 18.07.2024
ФИФА рейтинги. Ўзбекистон бир поғона юқорилади, Испания 3-ўринга кўтарилди
22:37 / 06.05.2024