Ўзбекистон консули Татаристондаги ватандошларни сайловда қатнашишга чақирмоқда

Ўзбекистоннинг Татаристондаги бош консули Фаридин Насриев Россиядаги ватандошларни Ўзбекистон президенти сайловида иштирок этишга чақирди.

Фото: Ўзбекистоннинг Татаристондаги бош консулхонаси

Консулнинг сўзларига кўра, Россиядаги ўзбекистонликлар сайлов куни – 24 октябрда овоз бериш учун Ўзбекистоннинг Қозондаги бош консулхонасига ташриф буюришлари мумкин.

Шунингдек, консулхонада 14 октябрдан бошлаб муддатидан олдин овоз бериш жараёни давом этмоқда.

Фото: Ўзбекистоннинг Татаристондаги бош консулхонаси

Бизга тақдим этилган видеода Татаристоннинг Нижнекамск шаҳридаги 196 метрлик телевизион станцияда Ўзбекистон президенти сайловида қатнашишга чақириқни кўриш мумкин.

Эслатиб ўтамиз, Ўзбекистон президенти сайлови учун 50дан ортиқ хорижий давлатлардаги дипломатик ваколатхоналарда ҳам сайлов участкалари ташкил этилган.

#Татаристон #сайлов

Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.