Қўшимча функционаллар
-
Тунги кўриниш
Оқдарё туманига янги ҳоким тайинланди
Фото: Самарқанд вилояти ҳокимлиги
Самарқанд вилояти Оқдарё туманига янги ҳоким тайинланган. Бу ҳақда вилоят ҳокимлиги ахборот хизмати хабар бермоқда.
Бугун, 22 декабр куни Оқдарё туманида халқ депутатлари Оқдарё тумани Кенгашининг навбатдан ташқари сессияси ўтказилган ва унда ташкилий масала кўрилган.
Оқдарё тумани ҳокими вазифасида фаолият олиб борган Нажмиддин Сулаймонов бошқа ишга ўтиши муносабати билан ўз аризасига асосан эгаллаб турган вазифасидан озод этилган.
Сессияда депутатлар томонидан Шерзод Қудратов номзоди Оқдарё тумани ҳокими лавозимига тасдиқланган.
Мазкур тайинловгача Ш.Қудратов Савдо-саноат палатаси Самарқанд вилояти ҳудудий бошқармаси бошлиғи лавозимида фаолият олиб борган.
Эслатиб ўтамиз, бугун Булунғур туманига ҳам янги ҳоким тайинланган. Шунингдек, Бухоро вилояти Ромитан тумани, Наманган вилояти Косонсой туманига ҳам янги ҳоким тайинланган.
Мавзуга оид
11:32 / 10.07.2024
Самарқандда бошқарувни йўқотган Нексия-3 каналга қулаб оқиб кетди
10:53 / 29.01.2024
Самарқанддаги поликлиникада ёнғин юз берди
16:29 / 06.11.2023
Самарқандда АҚШга виза расмийлаштириб бериш эвазига 15 минг доллар олган шахслар ушланди
08:44 / 04.06.2023