Евроиттифоқда самолёт бортида ниқоб тақиш талаби бекор қилинди

Австрияда барча коронавирус чекловлари бекор қилинди.

Фото: NurPhoto

Евроиттифоқ ҳудудида пандемия сабабли жорий этилган самолёт бортида ниқоб тақиш талаби бекор қилинди. ЕИ ҳукуматлари қарорига кўра, 16 майдан бошлаб самолёт ва аэропортларда ниқоб ва респиратор тақиш тавсиявий тусга эга бўлади.

Ўз навбатида, Германия аввалгидек самолёт бортида ниқоб тақиш талаби амалда бўлиши ҳақида маълум қилди.

Шу билан бирга, Австрияда барча коронавирус чекловлари бекор қилинди. Эндиликда мамлакатга кириш учун эмланганлик тўғрисидаги маълумотнома ёки коронавирусга манфий тест натижасини кўрсатиш шарт эмас.

Францияда ҳам 16 майдан бошлаб ерусти жамоат транспортида ниқоблардан фойдаланиш талаби бекор бўлди. Бундан буён фақат шифохона ёки қариялар уйларидагина ниқобда бўлиш талаб қилинади.

#ЕИ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.