Қўшимча функционаллар
-
Тунги кўриниш
Самарқандда буғдой ортиб кетаётган юк машинасида ёнғин содир бўлди
Ёнғин оқибатида юк машинасининг кабинаси ёниб яроқсиз ҳолга келган. Унга ортилган буғдойнинг 3 тоннаси сақлаб қолинган.
Фото: ФВБ ахборот хизмати
Самарқанд вилояти Фавқулодда вазиятлар бошқармаси ахборот хизматининг хабар беришича, бугун, 24 июн куни соат 15:18 да М-37 Самарқанд-Бухоро-Туркманбоши халқаро автомобил йўлининг Иштихон тумани ҳудудидан ўтувчи 52-километрида ҳаракатланиб кетаётган «Газ-52» русумли юк машинасида ёнғин содир бўлаётгани тўғрисида туман ФВБга хабар келиб тушган.
Шундан сўнг воқеа жойига 2 та ёнғин-қутқарув экипажи жалб этилган. Ўт ўчирувчилар ҳодиса жойига соат 15:26 да етиб борган ва соат 15:32 да ёнғин тўлиқ бартараф этилган.
Ёнғин оқибатида юк машинасининг кабина қисми қисман ёниб, зарарланган. Унга ортилган тахминан 3 тонна буғдой сақлаб қолинган.
Қайд этилишича, ҳозирда ҳодиса юзасидан терговга қадар текшириш ишлари олиб борилмоқда.
Аввалроқ, Ургут туманида меъёрдан ортиқ сомон тойлари ортиб ҳаракатланган юк машинаси ёниб кетганди.
Мавзуга оид
17:18
Самарқанд шаҳрида бир кунда 5 эркак вафот этди. Улар ароқдан заҳарлангани тахмин қилинмоқда
16:04
Энгелсда нефт базасидаги ёнғинни беш кундан бери ўчириб бўлмаяпти
11:17
Калифорниядаги ёнғинлар қурбонлари сони 24 кишига етди
19:58 / 12.01.2025