Қўшимча функционаллар
-
Тунги кўриниш
Фото: Эрон президентини расмий кутиб олиш маросими бўлиб ўтди
Эрон Ислом Республикаси Президенти Иброҳим Раисий 14 сентябрь куни расмий ташриф билан мамлакатимизга келди. Самарқанд аэропортида уни Ўзбекистон бош вазири Абдулла Арипов ва бошқа расмий шахслар кутиб олди.
Фото: Президент матбуот хизмати
Самарқанд шаҳридаги Конгресс марказида Иброҳим Раисийни расмий кутиб олиш маросими бўлиб ўтди.
Икки мамлакат давлат байроқлари билан безатилган майдонда Эрон президенти шарафига фахрий қоровул саф тортди.
Ўзбекистон Республикаси Президенти Шавкат Мирзиёев олий мартабали меҳмонни кутиб олди.
Икки мамлакат етакчилари шоҳсупага кўтарилдилар. Ўзбекистон ва Эрон давлат мадҳиялари янгради.
Президентлар фахрий қоровул олдидан ўтиб, ҳарбий хизматчиларни қутладилар. Маросимда икки мамлакат расмий делегациялари аъзолари қатнашди.
Биргаликда суратга тушишдан сўнг давлат раҳбарларининг музокаралари бошланди.
Давлат раҳбарлари икки томонлама ҳамкорликнинг кенг кўламли масалаларини кўриб чиқади. Музокаралар якунида қатор ҳужжатлар имзоланади.
Иброҳим Раисий Шанҳай ҳамкорлик ташкилоти Давлат раҳбарлари кенгашининг мажлисида ҳам иштирок этади.
Самарқандда ШҲТ саммити
Мавзуга оид
20:58 / 24.12.2024
Bloomberg: Россияга Эрон қуролларининг чорак қисмини бизнесмен Ҳусайн Шамҳаний етказиб бермоқда
19:06 / 22.12.2024
Асаднинг қулаши — Эрон ташқи сиёсатидаги муваффақиятсизлик
14:52 / 20.12.2024
Эрон Ўзбекистоннинг қатор маҳсулотларига экспорт учун рухсатнома беради
16:32 / 19.12.2024