Карим Бензема — «Олтин тўп» соҳиби

Парижда 2022 йил учун «Олтин тўп» мукофотини топшириш маросими бўлиб ўтди. 

Кутилганидек «Реал» ҳужумчиси Карим Бензема мукофотни қўлга киритди.

34 ёшли француз ўтган мавсумда Мадрид клуби билан Чемпионлар Лигаси, Ла Лига, УЕФА Суперкубоги ва Испания Суперкубогида ғолиб бўлди. Ҳужумчи ЕЧЛда 15та, Испания чемпионатида 27та гол билан тўпурарга айланди.

Топ-5дан «Бавария»нинг сенегаллик вингери Садио Мане (2), «Манчестер Сити»нинг бельгиялик яримҳимоячиси Кевин де Брюйне (3), «Барселона»нинг польшалик форварди Роберт Левандовски (4), «Ливерпул»нинг мисрлик ҳужумчиси Муҳаммад Салоҳ (5) ҳам ўрин олди.

Маросимда қуйидаги номинацияларда ҳам ғолиблар аниқланди: 

Энг яхши аёл футболчи — Алексия Путелльяс («Барселона» / Испания)

Лев Яшин мукофоти — Тибо Куртуа («Реал» / Бельгия)

Герд Мюллер соврини — Роберт Левандовски («Барселона» / Польша)

Энг яхши ёш футболчи — Гави («Барселона» / Испания)

Йилнинг энг яхши клуби — «Манчестер Сити» (Англия)

Футболдан ташқаридаги хайрия ишлари учун — Садио Мане («Бавария» / Германия)