Бухоро вилоятида 4 балли зилзила қайд этилди

6 ноябр куни соат 08:56 да Ўзбекистон ҳудудида ер силкиниши содир бўлди.

ФВВ Сейсмопрогностик мониторинг Республика маркази хабар қилишича, зилзила эпимаркази Бухоро вилояти, Пешкў туманида жойлашган. Зилзила координаталари: 40,74 градус шимолий кенглик; 63,63 градус шарқий узунлик. Магнитуда М=4. Чуқурлик 15 км. Зилзила эпимаркази Тошкентдан 472 км жанубий-ғарбда.

Ўзбекистон Республикаси ҳудудида сезилиш кучи:

• Пешкў туманида 4 балл, 26 км.
• Шофиркон туманида 2-3 балл, 66 км.
• Конимех туманида 2 балл, 90 км.
• Жондор туманида 2 балл, 91 км.
• Ромитан туманида 2 балл, 95 км.

5 ноябр куни тонгида Тошкент шаҳрида ҳам 4 баллик зилзила кузатилганди.