Қўшимча функционаллар
-
Тунги кўриниш
Сардор Умрзоқов ва Оқилбек Жапаров ҳамкорлик масалаларини муҳокама қилди
Ўзбекистонда амалий ташриф билан бўлган Қирғизистон Вазирлар Маҳкамаси раиси, президент маъмурияти раҳбари Оқилбек Жапаров Сардор Умрзоқов билан учрашди.
Фото: gov.kg
Қирғизистон ҳукумати матбуот хизмати хабарига кўра, учрашув чоғида томонлар икки томонлама ҳамкорлик масалаларини муҳокама қилган, шунингдек, президент Шавкат Мирзиёевнинг Қирғизистон Республикасига давлат ташрифи чоғида эришилган келишувлар ижросини кўриб чиққан.
«Ишончим комилки, давлатларимиз раҳбарлари томонидан билдирилган ташаббус ва келишувларнинг ҳаётга татбиқ этилиши чегарадош ҳудудларни иқтисодий ривожлантириш, қўшимча инвестицияларни жалб этиш, транспортдан фойдаланиш имкониятини мустаҳкамлаш, янги иш ўринлари яратиш ва аҳоли турмуш шароитини оширишга кўмаклашади», — деди Вазирлар Маҳкамаси раҳбари.
Оқилбек Жапаров икки давлат иқтисодиёти яқин келажакда ташқи савдо айланмасидаги 2 миллиард долларлик чегарадан ўтиш учун етарли салоҳиятга эга эканлигини таъкидлади.
Ўз навбатида, Ўзбекистон Президенти Администрацияси раҳбари Сардор Умрзоқов барча мавжуд келишувлар ва лойиҳаларни амалга ошириш учун барча саъй-ҳаракатларни ишга солишга тайёрлигини билдирди.
Мавзуга оид
16:26 / 18.12.2024
Қирғизистон президенти бош вазирнинг истеъфога чиқиши сабабини айтди
17:16 / 17.12.2024
Қирғизистон бош вазири коррупция туфайли истеъфога чиқарилган бўлиши мумкин
10:05 / 16.12.2024
Оқилбек Жапаров Қирғизистон бош вазири лавозимидан бўшатилди
12:06 / 18.11.2024