Сурхондарёда қиз фарзандини сотмоқчи бўлган ота ушланди

У шаръий никоҳидаги хотинидан туғилган чақалоқни пулламоқчи бўлган.

Фото: Getty Images

Сурхондарёнинг Ангор туманида қиз фарзандини 35 млн сўмга сотмоқчи бўлган ота ушланди.

Қайд қилинишича, 1969 йилда туғилган И.З. ўзининг шаръий никоҳ асосида 2019 йилдан буён бирга яшаб келаётган турмуш ўртоғи Х.С. дан туғилган бир неча кунлик чақалоғини 35 млн сўмга сотишга қарор қилган.

Вилоят ИИБ Тезкор қидирув хизмати ходимлари томонидан ўтказилган тезкор тадбир давомида, И.З. ўзининг яшаш уйида Д. исмли шахсдан кимёвий ишлов берилган 1400 доллар ҳамда 10 млн сўмни олган вақтида ушланган.

Унга нисбатан Жиноят кодексининг 135-моддаси (Одам савдоси) 3-қисми «а» банди билан жиноят иши қўзғатилган.

#Сурхондарё #одам савдоси