Бахмут атрофидаги жанг майдонлари ва Днипронинг саёзлашган ўзани. Уруш суратлари

Украинада урушнинг 557-куни ўтди. Асосий маълумотлар:

Украин қўшини Россия кучларининг жанубий фронтдаги энг мустаҳкам мудофаа линиясини ёриб ўтди, дея хабар берди УҚҚ генерали, мамлакат жанубидаги юришга бошчилик қилаётган Олександр Тарнавский.
Володимир Зеленский Олексий Резников Украина мудофаа вазири лавозимидан озод этилгани ҳақида маълум қилди. У вазирликка 2021 йилдан буён раҳбарлик қилиб келаётганди. Резниковнинг ўрнига Зеленский Рустем Умеровни номзодини таклиф этган, у 2022 йилдан буён Украина давлат мулк фондини бошқариб келмоқда.
РФ қўшини дронлар билан Одесса областига ҳужум қилди, тинч аҳоли вакилларидан икки киши жароҳат олган. Россия ҳарбийлари бу зарба нишони ёнилғи омбори бўлганини маълум қилган.
Буюк Британия мудофаа вазирлиги тасдиқлашича, РФ ҳукумати президентлик сайловлари арафасида сафарбарликнинг янги тўлқинидан қочиш учун қўшни мамлакатлар фуқароларини урушга ёлламоқда.

Лвивда «Енгилмас» яриммарафони

12 ёшли Яна Степаненко Лвивдаги «Енгилмас» яриммарафонида — 3 сентябр куни 1,6 ва 21,5 километр масофаларга югуришда коляскадаги, оёқ ёки қўли протез қилинган украинлар қатнашди. Степаненко 2022 йил 8 апрел куни жароҳат олган: у онаси ва акаси билан Краматорск вокзалига шаҳардан эвакуация бўлиш учун келганида вокзалга ракета зарбаси йўлланган. Яна икки оёғидан айрилган — бирини тўпиқдан юқори қисмидан, иккинчисини тиззадан пастидан кесишган. Унинг онаси чап оёғининг тиззадан паст қисмини йўқотган, акаси жабрланмаган. Бу ҳодисдан кейин оила АҚШда бир йил давомида реабилитация курсини ўтади, кейин Украинага қайтди.
Stanislav Ivanov / Global Images Ukraine / Getty Images

Бахмут атрофидаги жанг майдонлари

Снаряд ва бомбалар тушишидан ҳосил бўлган ўралар билан қопланган майдон
Libkos / AP / Scanpix / LETA

Бахмут яқинидаги Опитне қишлоғи харобаларининг юқоридан кўриниши
Libkos / AP / Scanpix / LETA

Днипро дарёси соҳилининг Каховка ГЭС портлашидан уч ой кейинги кўриниши

Каховка ГЭСдаги ҳодиса 6 июн куни рўй берганди: станция портлаганидан кейин катта миқдордаги сувнинг назоратсиз чиқиб кетиши рўй берди ва Днипро дарёсининг қуйи оқими бўйлаб жойлашган 50 дан ортиқ аҳоли яшаш манзилларини сув босди. Сўнгги маълумотларга кўра, 52 киши ҳалок бўлган, Каховка сув омбори эса деярли қуриб қолди.