Қўшимча функционаллар
-
Тунги кўриниш
Ўзбекистоннинг уч ҳудудида кучли таъсир қилувчи дориларни сотаётганлар ушланди
Фото: Иқтисодий жиноятларга қарши курашиш департаменти ахборот хизмати
Ўзбекистоннинг уч ҳудудида кучли таъсир қилувчи дори воситаларини сотаётган шахслар ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Маълум қилинишича, Бош прокуратура ҳузуридаги департаментнинг Марғилон шаҳар бўлими ва ДХХ ходимлари ҳамкорлигида ўтказилган тезкор тадбирда фуқаро Б.У. 19 дона «Регапен» номли кучли таъсир қилувчи дори воситасини фуқаро М.Х.га 950 минг сўмга сотган вақтида ашёвий далиллар билан ушланган.
Шу каби, департаментнинг Когон шаҳри ва Фориш тумани бўлимлари томонидан ИИБ ходимлари билан ҳамкорликда ўтказилган тезкор тадбирларда дори воситалари савдоси билан шуғулланиб келган фуқаролар Н.С. ва Б.Ж.дан таркибида кучли таъсир қилувчи моддалари бўлган жами 770 дона дори воситалари ашёвий далил сифатида олинган.
Мазкур ҳолатлар юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
16:14 / 16.12.2024
Коррупционерларнинг 80 фоизи қамалмаган, Андижон антирейтингда биринчи ўринда — миллий маъруза
16:06 / 11.12.2024
Форишда 64 ёшли эркак ўқитувчи вояга етмаган ўқувчи қизга шилқимлик қилди
13:41 / 30.11.2024
Президент йиғилишидан кейин Бухородаги учта туман ва бир шаҳарда ҳоким ўзгарди
16:48 / 17.11.2024