Қўшимча функционаллар
-
Тунги кўриниш
Бухородаги кўприк юк машинаси ўтаётганда қулаб тушди
Жондор туманида устидан юк машинаси ўтиб кетаётган кўприк қулаб тушди. Юк машинасининг орқа томони дарёга тушиб кетган.
Фото: Ижтимоий тармоқлар
Бухоро вилояти Жондор туманидаги Зарафшон дарёси устига қурилган кўприк юк машинаси ўтаётганда қулаб тушган. Бу ҳақда туман ҳокимлиги ахборот хизмати хабар бермоқда.
Ижтимоий тармоқларда тарқалган суратда оғир юк машинасининг орқа қисми дарёга тушиб кетгани ва олд қисми ердан узилиб, кўтарилиб қолганини кўриш мумкин.
Маълум қилинишича, юк машинасининг дарёга қулаб кетиши ҳодисасида ҳеч ким ҳалок бўлмаган.
Ҳозирда Жондор туман ҳокимлиги томонидан тузилган ишчи гуруҳ мазкур ҳолат бўйича ўрганишларни олиб бормоқда.
«Ишчи гуруҳнинг якуний натижаси бўйича батафсил маълумот берилади», дейилади хабарда.
Маълумот учун, феврал ойи охири, март ойи бошларида ёғиб ўтган ёмғирлар оқибатида республиканинг бир неча ҳудудида кўприкларни сув ювиб кетган ва уларнинг айримлари қисқа муддатда таъмирланган эди.
Бундан ташқари, 2024 йил 16 феврал куни Қашқадарё вилояти Муборак туманидаги кўприкнинг бир қисми юк машинаси ўтаётганда қулаб тушганди.
Мавзуга оид
12:33 / 13.12.2024
Бухорода 2,6 млн долларлик криптоактивлар билан савдо қилган 17 ёшли ўсмир ушланди
10:24 / 02.12.2024
Бухоро вилояти ҳокимига икки нафар янги ўринбосар тайинланди
13:41 / 30.11.2024
Президент йиғилишидан кейин Бухородаги учта туман ва бир шаҳарда ҳоким ўзгарди
12:03 / 28.11.2024