Оила ва хотин-қизлар қўмитасига 12 та асосий вазифа юклатилмоқда

Низом билан қўмитанинг вазифа ва функциялари, ҳуқуқ ва мажбуриятлари, ҳисобдорлик ва бошқа органлар билан ҳамкорлик тартиби белгиланмоқда.

Қўмитага 12 та асосий вазифа юклатилмоқда, улар қаторида:

• хотин-қизларни қўллаб-қувватлаш тизимини кучайтириш;
• эркаклар ва хотин-қизларнинг тенг ҳуқуқ ҳамда имкониятларини таъминлаш;
• хотин-қизларга иш топишда кўмаклашиш, уларнинг тадбиркорлигини ривожлантириш;
• оила аъзоларининг ҳуқуқий маданиятини ошириш, уларда ҳуқуқбузарликларнинг олдини олиш ва бошқалар.

Ягона тариф сеткаси бўйича меҳнатга ҳақ тўлашнинг тасдиқланган разрядларига мувофиқ лавозим маошини белгилашда тариф коэффициенти марказий аппаратда — 1,8 бараварга оширилган миқдорда қўлланади.

Шунингдек, ходимлар учун кўп йиллик ишлаганлик учун қўшимча ҳар ойлик устама тўланади:

1 дан 3 йилгача — 0,3;
3 дан 5 йилгача — 0,6;
5 дан 10 йилгача — 0,8;
10 дан 15 йилгача— 1,0;
15 дан 20 йилгача — 1,2;
20 дан юқори — 1,5.
 
Оила ва хотин-қизлар қўмитасини ривожлантириш ва ходимларини моддий рағбатлантириш жамғармаси тўғрисидаги низом тасдиқланмоқда.

Ҳар йили давлат бюджети параметрларида жамғарма учун 15 млрдгача миқдорда назарда тутиладиган маблағлар бошқа манбалар қаторида жамғармани шакллантириш манбаси ҳисобланади.