Қўшимча функционаллар
-
Тунги кўриниш
Хориждан Ўзбекистонга пул ўтказмалари 34,8 фоизга ошди – Нурмуродов
Марказий банк раисининг маълум қилишича, дастлабки 9 ойликда Ўзбекистонга пул ўтказмалари миқдори 11,3 млрд долларни ташкил этган. Бу меҳнат миграцияси географиясининг диверсификацияси давом этаётганидан дарак беради. Пул ўтказмаларининг ўсиши Буюк Британиядан 67 фоиз, Жанубий Кореядан 76 фоиз, Полшадан 97 фоиз, БААдан 66 фоиз бўлган.
Фото: Kun.uz
Жорий йилнинг 9 ойида Ўзбекистонга пул ўтказмалари ҳажми 11,3 млрд долларга етиб, ўтган йилнинг мос даврига нисбатан 34,8 фоизга кўпайган. Бу ҳақда Марказий банк раиси Мамаризо Нурмуродов 31 октябр кунги матбуот анжуманида айтиб ўтди.
2024 йилда Ўзбекистонга энг кўп июл (1 млрд 785 млн доллар) ва август (1 млрд 555 млн доллар) ойида пул ўтказмалари амалга оширилган.
Уч чорак давомида пул ўтказмаларининг салмоқли қисми қуйидаги давлатлардан ўтказилган:
- Россия — 8,8 млрд доллар;
- Қозоғистон — 625 млн доллар;
- Жанубий Корея — 420 млн доллар;
- АҚШ — 415 млн доллар;
- Туркия — 291 млн доллар;
- Буюк Британия — 93 млн доллар;
- Полша — 48 млн доллар.
«10 ойда Ўзбекистонга 12,5 млрд долларлик пул ўтказмалари келиб тушди. Бунда ўсиш кўрсаткичи Россиядан 35 фоиз, Буюк Британиядан 67 фоиз, Жанубий Кореядан 76 фоиз, Полшадан 97 фоиз, БААдан 66 фоиз бўлди», дея таъкидлади МБ раиси.
Мавзуга оид
19:59 / 18.12.2024
Ўзбек мигранти: у ватанига олтин экспортидан ҳам кўпроқ фойда келтиряпти
12:37 / 11.12.2024
Марказий банк раиси Мамаризо Нурмуродов лавозимини тарк этади
15:35 / 30.11.2024
Ўзбекистонга пул ўтказмалари ҳажми кескин ошди. Трансфертларнинг асосий қисми қайси мамлакатлардан келган?
17:09 / 07.11.2024