Маъмурий-ҳудудий бирликлар давлат реестрини юритиш тартиби тасдиқланди

Вазирлар Маҳкамасининг «Ўзбекистон маъмурий-ҳудудий бирликлари давлат реестрини юритиш ва маъмурий-ҳудудий тузилиш масалалари бўйича комиссиялар фаолиятини ташкил этиш тартибларини белгилаш тўғрисида»ги қарори қабул қилинди.

Реестр қуйидаги маълумотларни ўз ичига олади:

• маъмурий-ҳудудий бирликларнинг тоифалари ва номлари;
• ҳудуд коди;
• маъмурий-ҳудудий бирликларнинг маъмурий марказлари;
• маъмурий-ҳудудий бирликларнинг тавсифлари ва картографик чизмалари;
• маъмурий-ҳудудий бирликларни тузиш, тугатиш ва уларнинг чегараларини ўзгартириш, бўйсунувини ўзгартириш саналари;
• доимий аҳоли сони ва бошқалар.

Реестр Кадастр агентлиги томонидан юритилади.

Ҳужжат билан:

• Ўзбекистон маъмурий-ҳудудий бирликлари давлат реестрини юритиш тартиби тўғрисидаги низом; 
• маъмурий-ҳудудий тузилиш масалалари бўйича республика комиссияси тўғрисидаги низом;
• маъмурий-ҳудудий тузилиш масалалари бўйича ҳудудий комиссиялар тўғрисидаги намунавий низом тасдиқланди.