AQSh aeroportlarida qochqinlarni ushlanishiga qarshi namoyishlar bo‘lib o‘tmoqda

AQShning Nyu York shahridagi Jon Kennedi nomli xalqaro aeroportidagi namoyishlar, bu yerda 12 nafar qochqin ushlanganidan so‘ng, avj olib ketdi. Qochqinlar AQSh migratsiya siyosati kuchaytirilgani sababli ushlangan edi. 300 nafardan ortiq namoyishchi aeroport xalqaro terminallaridan birining kelish hududida to‘planishdi.

Ularning qo‘llarida «Taqiqlarga yo‘q», «Devorga yo‘q», «Qochqinlar xush kelibsiz» kabi so‘zlar bitilgan plakatlar bor edi. Xabar qilinishicha, plakatlardan birida AQSh prezidenti Donald Trampga qarshi impichment va uning rafiqasi Melaniyani mamlakatdan chiqarib yuborishga doir chaqiriq ham bo‘lgan. To‘planganlar: «Yo‘qolsin ko‘rolmaslik, yo‘qolsin qo‘rquv. Qochqinlar bu yerda olqishlanadi» deya baqirishmoqda. «Bugun biz va do‘stlarimiz mamlakat uzra uzoq muddatli qarshilikni boshladik», — degan ushlangan qochqinlar advokati Jyekki Espozito. Quyida namoyishlardan fotolavhalarni tomosha qilishingiz mumkin.