Xitoy klubida yana bir yulduz murabbiy ish boshlaydi

«Real», «Yuventus»ning sobiq bosh murabbiyi Fabio Kapello Xitoyning «Jiangsu Suning» jamoasini boshqarishga rozilik bildirgan. Bu haqda Gazzetta dello Sport nashri xabar tarqatdi.

Manba bergan xabarga ko‘ra, Kapelloning murabbiylar shtabidan «Yuventus» sobiq futbolchisi Janluka Dzambrotta, shuningdek sobiq «Milan»chi Kristian Brokki ham o‘rin oladi. Rasmiy axborot tez orada e'lon qilinishi kutilmoqda.

Ma'lumot uchun, Xitoy chempionatining ortda qolgan 12-turidan so‘ng «Jiangsu Suning» 8 ochko to‘plab, turnir jadvalida 15-o‘rinda bormoqda.

Eslatib o‘tamiz, Fabio Kapelloning so‘nggi ish joyi Rossiya terma jamoasi bosh murabbiyligi bo‘lgandi.