Qoʻshimcha funksionallar
-
Tungi ko‘rinish
Saudiya Arabistonida bir necha o‘nlab kishilarning hisob raqamlari muzlatib qo‘yildi
Foto: © EPA-EFE/YAHYA ARHAB
Saudiya Arabistoni markaziy banki qirollik hududidagi moliyaviy institutlarga (banklar, kredit tashkilotlari) bir necha o‘nlab kishilarning hisob raqamlarini muzlatib qo‘yishni buyurdi.
Shu maqsadda markaziy bank moliyaviy institutlarga hisob raqamlari muzlatilishi kerak bo‘lgan shaxslar ro‘yxatini yo‘llagan. Buning biror-bir sababi keltirilmagan.
O‘tgan dam olish kunlari Saudiya Arabistonida 11 shahzoda, 4 nafar amaldagi vazir va bir necha o‘nlab amaldorlar va tadbirkorlar korrupsiyaga qarshi olib borilayotgan kampaniya doirasida hibsga olingan. Ular orasida Saudiya Arabistonining birinchi qiroli Abdulaziz bin Saud Ol Saudning nabirasi Al-volid bin Talal ham bor. Bloomberg ma'lumotlariga ko‘ra, shahzoda dunyodagi eng boy odamlardan biri bo‘lib, Citigroup Inc va Apple Inc kabi kompaniyalar aksiyalari paketiga ega.
Uning Kingdom Holding kompaniyasi aksiyalari hibsga olinganidan keyin 21foizga tushib ketdi.
Saudiya Arabistonida taxt kurashi
4 noyabr kuni Saudiya Arabistonida 11 nafar shahzoda va 4 nafar yuqori martabali amaldor korrupsiyada ayblanib hibs qilindi. Bu hodisa valiahd shahzoda Muhammad ibn Salmonning o‘z raqobatchilaridan qutulish yo‘lidagi harakati sifatida baholanmoqda.
Mavzuga oid
13:17 / 26.12.2024
Saudiya Arabistonidan O‘zbekistonning IT sohasiga investitsiya jalb etilishi mumkin
18:07 / 24.12.2024
Saudiya Arabistonidagi ko‘zgusimon megashaharni robotlar quradi
15:04 / 22.12.2024
Magdeburgdagi yarmarkaga hujum. Hozirgacha nimalar ma’lum?
23:55 / 03.12.2024