«Barselona» Grizmanni tanishtirdi. U 17-raqamda o‘ynaydi

Antuan Grizmann «Barselona» futbolchisi sifatida tanishtirildi.

28 yoshli fransuz Kataloniya klubi bilan 5 yillik shartnomaga imzo chekdi. U yangi jamoasida 17-raqamda o‘ynaydi.

Eslatib o‘tamiz, Antuanning «Atletiko»dan xaridi 120 mln yevroga tushgan. Ammo Madrid klubi «Barsa» va Grizmann mart oyidayoq kelishib olganini da'vo qilib, o‘sha paytda hujumchining bitimidagi tovon puli 200 mln yevro bo‘lgani bois «ko‘k-anorranglilar»dan yana 80 mln yevro undirish niyatida ekanini ma'lum qilgan.