Greta Tunberg bolalarni koronavirusdan himoyalashga 100 ming dollar xayriya qildi

Bu mablag‘ Tunbergning shu yilning fevralida tashkil etilgan jamg‘armasiga Daniyadagi Human Act nodavlat tashkiloti tomonidan o‘tkazilgandi.

17 yoshli Gretaning so‘zlariga ko‘ra, koronavirus pandemiyasi "bolalar huquqlariga rioya qilinishi borasida xuddi iqlim inqirozi kabi inqiroz" bo‘ldi.

"Men barchani YUNISEFning bolalarni qutqarish, ularning sog‘ligini himoya qilish kabi muhim ishlarini qo‘llab-quvvatlashga chaqiraman", - dedi Tunberg.

Eslatib o‘tamiz, Greta Tunberg 2019 yilda Time jurnali tomonidan jahonda «Yil odami» sifatida tan olingan edi. Bundan tashqari, shvetsiyalik qiz Time jurnali tuzgan 1920 yildan keyingi davrda tarix silsilasiga sezilarli ta'sir ko‘rsatgan 100 nafar xotin-qizlar ro‘yxatiga ham kiritilgandi.