Surxondaryoda yuz bergan YTHda ikki kishi halok bo‘ldi

YTH yuzasidan Jarqo‘rg‘on tumani IIB huzuridagi TB tomonidan dastlabki tergovga qadar surishtiruv ishlari olib borilmoqda.

Foto: IIV YHXBB axborot xizmati

Joriy yilning 3 oktabr kuni soat 11:10larda, Surxondaryo viloyati Jarqo‘rg‘on tumani, “Oqtepa” mahallasi hududidan o‘tuvchi M-41 avtomobil yo‘lining 1603-kilometrida yo‘l-transport hodisasi sodir bo‘ldi.

IIV YHXBB axborot xizmati xabariga ko‘ra, haydovchi, 1999 yilda tug‘ilgan S.S. tegishli hujjatlarsiz “Neksiya” rusumli avtomobil tezligini me'yoridan oshirgan holda “Jarqo‘rg‘on-Termiz” yo‘nalishi bo‘ylab boshqarayotib, quvib o‘tish qoidalariga amal qilmasdan qarshisidan kelayotgan haydovchi, 1963 yilda tug‘ilgan R.Sh. boshqaruvidagi avtobus bilan to‘qnashgan.

Natijada, “Neksiya” rusumli avtomobil haydovchisi, 21 yoshli S.S. va ushbu avtomobil yo‘lovchisi, 1999 yilda tug‘ilgan O.R. og‘ir tan jarohatlari olib voqea joyida vafot etgan.

Mazkur YTH yuzasidan Jarqo‘rg‘on tumani IIB huzuridagi TB tomonidan dastlabki tergovga qadar surishtiruv ishlari olib borilmoqda.

#YTH #Jarqo‘rg‘on