Rossiya va Belarus maxsus xizmatlari G‘arbning harakatlariga qarshi birgalikda kurashishga kelishib oldi

Maxsus xizmatlar rahbarlari Rossiya va Belarus milliy manfaatlarini ta'minlash sohasidagi hamkorlik natijalari va istiqbolini muhokama qildi.

Vitebskda Rossiya tashqi razvedka xizmati direktori Sergey Narishkin va Belarus DXQ raisi Ivan Tertel o‘rtasida uchrashuv o‘tkazildi.

Ikki davlat maxsus xizmatlari rahbarlari G‘arbning buzg‘unchilik faoliyatiga qarshi birgalikda kurashishga kelishib oldi, deb xabar berdi Interfaks.

"Rossiya TRX va Belarus DXQ an'anaviy qardoshlik munosabatlari ruhida G‘arbning ittifoq davlati makonidagi siyosiy va ijtimoiy-iqtisodiy vaziyatni izdan chiqarishga qaratilgan buzg‘unchilik faoliyatiga qarshi birgalikda kurash olib borishga kelishib oldi", - deyiladi DXQ xabarida.

Xabarda aytilishicha, "maxsus xizmatlar rahbarlari AQSh va G‘arb davlatlarining tajovuzkor siyosati sharoitida Rossiya va Belarus milliy manfaatlarini ta'minlash sohasidagi hamkorlik natijalari va istiqbolini muhokama qildi".

#Rossiya #maxsus xizmat #Belarus

Minskda Nexta muxolifatchi Telegram-kanali sobiq muharriri Roman Protasevich qo‘lga olindi. U uchayotgan samolyot bomba haqidagi xabar tufayli Belarusga favqulodda qo‘ndirildi. Qo‘nish haqidagi qarorni Lukashenkoning shaxsan o‘zi «Yevropani himoya qilish» uchun qabul qilgan