Qoʻshimcha funksionallar
-
Tungi ko‘rinish
Nikolya Sarkozi bir yilga ozodlikdan mahrum etildi
Fransiya sobiq prezidenti 2012 yilgi saylovoldi kampaniyasini noqonuniy moliyalashtirishda aybdor deb topildi.
Foto: AP
Parij axloq tuzatish sudi Fransiya sobiq prezidenti Nikolya Sarkozini 2012 yilgi saylovoldi kampaniyasini noqonuniy moliyalashtirishda aybdor deb topdi va uni bir yilga ozodlikdan mahrum etish to‘g‘risida hukm chiqardi. Bu haqda BFM TV telekanali xabar berdi.
Xabarda aytilishicha, u jazoni qamoqxonadan tashqarida, elektron bilaguzuk taqqan holda o‘taydi.
Sarkozi shu yilning mart oyida telefon qo‘ng‘iroqlarini noqonuniy tinglash ishi bo‘yicha uch yilga ozodlikdan mahrum etilgandi.
Fransiya qonunlariga ko‘ra, prezidentlikka nomzod saylovoldi kampaniyasini moliyalashtirish me'yorini 22,5 mln yevrodan oshira olmaydi. Sarkozi saylovoldi kampaniyasining haqiqiy qiymati me'yordagidan 18 mln yevroga ortiq bo‘lgani ma'lum bo‘ldi. Tergov ma'lumotlariga ko‘ra, umumiy xarajatlar miqdori kamida 42,8 mln yevroni tashkil etgan.
Sarkozi o‘ziga nisbatan ilgari surilgan ayblovlarni rad etdi. U moliyaviy masalalar bilan yordamchilari shug‘ullangani, moliyalashtirish me'yori ortib ketganidan xabari bo‘lmaganini aytdi. Ammo sud bu iddaoni hisobga olmadi.
Mavzuga oid
12:20 / 19.12.2024
Fransiya kassatsiya sudi Sarkoziga hukmni o‘zgarishsiz qoldirdi
21:28 / 18.12.2024
Guliston IIB TB fuqarolik nizosidan jinoyat ishi “yasadi”. Tergovchi yangi yilni issiq uyida, 50 yoshli ayol esa Rossiya hibsxonasida kutib oladimi?
21:02 / 12.12.2024
Yangiyo‘lda 5 bolani bosib ketib, ikki nafarining o‘limiga sababchi bo‘lgan haydovchi axloq tuzatish jazosini oldi
15:29 / 11.12.2024