G‘ofurjon Mirzayev viloyatda ijtimoiy obektlar qurilishidagi «o‘yin»larni tanqid qildi

«Sirdaryo viloyati hokimligi huzurida «Yagona buyurtmachi xizmati» injiniring kompaniyasi bor. Ba’zida bor yoki yo‘qligi ham bilinmaydi. Katta-katta ijtimoiy obektlarni qurishda, o‘tkazilayotgan tenderlarda, quruvchilarni tanlab olishda juda katta xatolarga yo‘l qo‘yilgan. Ijtimoiy obektlar qurilishi kechikayotganligi va sifatsiz qurilayotganligida litsenziyasiz quruvchilar va mavsumiy ishchilardan, boshqa kompaniyalarning texnikasidan foydalanilgani sabab bo‘lgan», - dedi G‘ofurjon Mirzayev o‘z murojaatida.

Shuningdek, viloyatning tuman va shaharlari hududidagi mahallalarning ichki yo‘llari qurilishi talab darajasida emas. Umumta’lim maktablari va ijtimoiy obektlarga olib boradigan yo‘llar ta’mirlanmagan. «Obod mahalla» va «Obod qishloq» dasturiga kiritilgan hududlarga e’tibor qaratilgan, lekin boshqa mahallalarda ko‘chalarga hattoki shag‘al to‘kilmagani qayd etildi.