Qoʻshimcha funksionallar
-
Tungi ko‘rinish
Kreml mashg‘ulotlardan so‘ng Belarusdagi qo‘shinlar olib chiqib ketilishini bildirdi
Dmitriy Peskovning so‘zlariga ko‘ra, qo‘shinlarning olib chiqib ketilish sanasi hozircha aniq emas.
Foto: RIA Novosti
Mashg‘ulotlarda qatnashish uchun Belarusga kelgan Rossiya qo‘shinlari u yerda qolishi to‘g‘risida hech qachon gap bormagan, ular mashg‘ulotlardan so‘ng o‘z joylariga qaytadi, dedi Rossiya prezidenti matbuot kotibi Dmitriy Peskov.
U Vladimir Putin Fransiya prezidenti Emmanuel Makronga mashg‘ulotlardan so‘ng Belarusdagi 30 ming nafar harbiyni olib chiqib ketishga va’da bergani to‘g‘risidagi xabarga ana shunday izoh berdi.
"Gap ittifoqchilik mashg‘ulotlari to‘g‘risida bormoqda va tabiiyki, mashg‘ulotlar yakunlanganidan so‘ng qo‘shinlar doimiy joylariga qaytadi", - dedi Peskov.
Uning qo‘shimcha qilishicha, qo‘shinlarning olib chiqib ketilish sanasi hozircha aniq emas.
Avvalroq NATO bosh kotibi Yyens Stoltenberg Rossiya Belarusga 30 ming harbiy va «Iskander» majmualarini jo‘natganini aytgandi.
