Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 21:59 / 27.02.2022
    36571
    5 daqiqa o‘qiladi

    «Yo‘lkira tekin». Ukrainalik qochqinlar qo‘shni davlatlarda qanday kutib olinmoqda?

    Ukrainadagi urush o‘tgan to‘rt kun davomida 400 mingga yaqin ukrainalikni o‘z uylarini tashlab chiqishga majbur qildi.

    Kiyevdan chiqishdagi tirbandliklar / Emilio Morenatti / AP / Scanpix / LETA

    Qochqinlar eng ko‘p miqdorda Polsha, Ruminiya va Vengriya tomonidan qabul qilinmoqda. Chegaradosh Moldova va Slovakiya ham qochqinlar oqimi oshgani tufayli favqulodda holat rejimini joriy etgan, AQSh ukrainlarga yordam ko‘rsatishga tayyorligini ma’lum qilgan, Irlandiya esa Ukraina bilan viza rejimini bekor qilgan. Quyida urush tufayli yuzaga kelgan migratsiya inqirozi ko‘lamini ifodalovchi suratlar jamlandi.

    Odamlar Kiyevdan chiqib ketish uchun poyezdga chiqishga ruxsat berilishini kutishmoqda. Guvohlarning aytishicha, ayni vaqtda Ukraina poytaxtini tark etish juda murakkab ishga aylangan. Kiyevdan jo‘naydigan poyezdga yo‘lovchilar tekinga chiqariladi, ammo joylar soni cheklangan, ko‘chalardagi vaziyat tufayli vokzalgacha yetib borish ham qiyin. 25 fevral. Foto: Umit Bektas / Reuters / Scanpix / LETA
    Ayollar va bolalar Ukraina va Polsha chegarasini kesib o‘tish uchun piyoda yo‘lga tushishgan.
    Krakovets-Karchova nazorat-o‘tkazish punkti, 26 fevral. Foto: Janek Skarzynski / AFP / Scanpix / LETA
    Ukrainalik ayol Ruminiya bilan chegaradan o‘tmoqda. Polsha, Moldova, Vengriya va Slovakiya bilan bo‘lgani kabi Ruminiya ham Ukrainadan qochqinlarni qabul qilmoqda va ularni turar joy va oziq-ovqat bilan ta’minlab, yuridik yordam ko‘rsatishga tayyor. Solotvino—Sigetu  Marmatsiyey nazorat-o‘tkazish punkti, 25 fevral. Foto: Paul Ursachi / AP / Scanpix / LETA
    Ruminiyaning Ukraina bilan chegarasiga yaqin joylashgan Siret shahriga chaqalog‘i bilan kelgan yosh ukrain ayoli. 25 fevral
    Alexandru Dobre / AP / Scanpix / LETA
    Vengriyanng Barabash shahri yaqinida qarindoshlari ham Vengriya va Ukraina chegarasidan o‘tib kelishini kutayotgan ukrainalik ayol. 25 fevral
    Anna Szilagyi / AP / Scanpix / LETA
    «Kiyev — Varshava» poyezdi yo‘lovchilari. 25 fevral
    Wojtek Jargilo / EPA / Scanpix / LETA
    Polsha-Ukraina chegarasidagi Korchova—Krakovets nazorat-o‘tkazish punktidagi holat. 26 fevral
    Dimitar Dilkoff / AFP / Scanpix / LETA
    Ukraina va Slovakiya chegarasida qochqinlarning hujjatlari tekshirilmoqda. Eng yaqin aholi punkti — Vishne-Nemetsk qishlog‘i. 25 fevral
    Zuzana Gogova / Getty Images
    Odamlar Shegini—Medika nazorat-o‘tkazish punkti orqali Polsha-Ukraina chegarasini kesib o‘tmoqda. 25 fevral
    Wojtek Radwanski / AFP / Scanpix / LETA
    Ruminiyaning Siret qishlog‘idagi qochqinlar. 25 fevral
    Andreea Alexandru / AP / Scanpix / LETA
    Ukrainalik qochqin ona kichik yoshli qizi bilan, Ukraina-Ruminiya chegarasi yaqinidagi Siret qishlog‘i. 25 fevral
    Andreea Alexandru / AP / Scanpix / LETA
    Ukraina va Polsha chegarasidagi tun. Surat Pshemisleda — Polsha janubidagi Krakovdan keyingi ikkinchi yirik shaharda olingan. 25 fevral
    Omar Marques / Getty Images
    Slovakiyadagi grek pravoslav cherkovi rohiblari va volontyorlar chegaradagi Vishne-Nemetsk qishlog‘iga kelayotgan qochqinlar uchun zarur narsalar yig‘ish punktini tashkil etishdi. 25 fevral
    Zuzana Gogova / Getty Images
    Befarq bo‘lmagan slovaklar ukrainaliklarni kutib olib, o‘z avtomobillari va avtobuslarida Vishne-Nemetskdan Slovakiyaning boshqa shahar va qishloqlariga tekinga eltib qo‘yishmoqda. 25 fevral. Foto: Zuzana Gogova / Getty Images
    Polshaning Pshemisle shahridagi supermarketlardan birining avtoturargohida qochqinlarga yordam punkti tashkil etildi. Bu yerda ukrainlar bepul transportga o‘tirib, boshqa aholi punktiga yetib olishi mumkin. 26 fevral. Foto: Darek Delmanowicz / EPA/ Scanpix / LETA
    Polshada yashovchi ukrain o‘z vatandoshlarini tekinga Krakovga olib borish uchun kutmoqda. 25 fevral
    Kacper Pempel / Reuters / Scanpix / LETA
    Ko‘ngillilar Ruminiyaga kirib kelayotgan ukrainaliklarga oziq-ovqat ulashmoqda, Siret, 2022 yil 25 fevral
    Andreea Alexandru / AP / Scanpix / LETA
    Polshalik askarlar mamlakat janubidagi Pshemislega qutilarda oziq-ovqat keltirishmoqda. 25 fevral
    Darek Delmanowicz / EPA / Scanpix / LETA
    Pshemisledagi vokzal uzoq yo‘ldan kelgan ukrainlar hordiq chiqarishi mumkin bo‘lgan punktga aylantirilgan. 24 fevral
    Petr David Josek / AP / Scanpix / LETA
    #Ukraina #kun suratlari #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    21:42

    WP: Ukraina hukumati urush 2025 yilda tugashiga ishonmoqda

    22:14 / 21.12.2024

    Ukrainada askarlar yetishmayotgani sabab havo hujumidan mudofaa harbiylarini yuborish buyurildi

    20:38 / 21.12.2024

    Kursk oblastining Rilsk shahri o‘qqa tutildi

    18:44 / 21.12.2024

    Zelenskiy bir qator ukrainalik diplomatlarni ishdan oldi