Shavkat Mirziyoyev Qoraqalpog‘istonda videoselektor o‘tkazdi

Shavkat Mirziyoyev Nukus shahrida videoselektor yig‘ilishini o‘tkazib, barcha tumanlar bilan muloqot qildi.

Prezident Shavkat Mirziyoyev Qoraqalpog‘iston Respublikasining Nukus shahrida bo‘lib turibdi.

Bugun tongda videoselektor yig‘ilishi o‘tkazilib, barcha tumanlar bilan muloqot qilindi. Tuman hokimlari va huquqni muhofaza qiluvchi organlar rahbarlari fuqarolarning xavfsizligini ta’minlash, qonuniylik va huquq-tartibotni mustahkamlash bo‘yicha ko‘rilayotgan chora-tadbirlar yuzasidan axborot berdi.

Ta’kidlanganidek, davlatimiz rahbarining kechagi murojaatidan keyin vaziyat barqarorlashgan, hayot o‘z maromiga qaytmoqda.

Ma’lumki, kecha O‘zbekiston Respublikasi Prezidentining farmoniga muvofiq, Qoraqalpog‘iston Respublikasi hududida favqulodda holat joriy etilgan edi. Yig‘ilishda Qoraqalpog‘iston Respublikasi hududining komendanti ushbu holat bo‘yicha axborot berib, vaziyat to‘liq nazoratga olinganini ta’kidladi.

#Qoraqalpog‘iston #Shavkat Mirziyoyev

1-2 iyul kunlari Qoraqalpog‘iston markazi Nukus shahrida tartibsizliklar kuzatildi. Milliy gvardiya xodimlari bilan to‘qnashuvlarda 200 dan ortiq kishi yaralangan, 18 kishi halok bo‘lgan.