Qoʻshimcha funksionallar
-
Tungi ko‘rinish
Tanqiddan so‘ng: jizzaxlik ikki vaynerning qamalishi g‘ayriqonuniy deb topildi
YPX inspektorlari formasiga o‘xshash ust-boshdan foydalanib vayn tayyorlagan ikki fuqaro 15 va 10 sutkalarga qamalgandi. Prokuraturaning protestidan so‘ng ular aybsiz deb topildi.
Kun.uz jizzaxlik ikki vaynerning tayyorlagan hajviy videosi uchun huquqbuzar deb topilgani va qamoqqa olinishi g‘ayriqonuniy ekani haqida material tayyorlagandi.
Ushbu holat va sud qarori Jizzax viloyati G‘allaorol tuman prokuraturasi tomonidan o‘rganilgan
O‘rganishlar jinoyat ishlari bo‘yicha G‘allaorol tuman sudining shu yil 13 martdagi qarori noqonuniy bo‘lganligini ko‘rsatgan.
Shunga ko‘ra G‘allaorol tuman prokuraturasi tomonidan uni bekor qilish yuzasidan apellyatsiya tartibida protest keltirildi.
Protestga asosan ma’muriy ish 18 mart kuni Jizzax viloyat sudi jinoyat ishlari bo‘yicha sudlov hay’ati apellyatsiya instansiyasida ko‘rib chiqilib, vaynerlarning harakatlarida huquqbuzarlik alomatlari mavjud emas deb topilgan hamda ular sud zalidan qamoqdan chiqarilgan.
Kun.uz tahlilida vaynerlarga qo‘yilgan ayblovlar asossiz ekani, ular MJtKning har ikkala moddasi bo‘yicha ham aybsizligi aytilgandi.
Mavzuga oid
12:49 / 16.12.2024
Kun.uz tanqididan so‘ng: Yangiyo‘l sudyasining shubhali hukmiga prokuratura protest kiritdi
18:14 / 11.12.2024
Konstitutsiyaviy sud prokurorlarning ikkita vakolatini bekor qilishga chaqirdi
15:14 / 02.12.2024
Mirobod prokurori elektr energiyasini tejash bo‘yicha reyd o‘tkazdi. Tarmoq soatiga 19 980 so‘mlik yuklamadan xalos qilingan
08:50 / 19.11.2024